كليتي

هالفتره اختبارات أخواتي بالكليه , ذكروني بأيام دراستي بالكلية ,

اشتقت لأجواء الدراسة , لرعب الأختبارات , للملازم والكتب والأبحاث والملخصات ,

ذكريات الكلية ما غابت عني ابد , كل شي اتذكره أساتذتي , صديقاتي , زميلاتي ,

بكل زواية من زوايا الكلية ليه فيه ذكرى , يا ما ضحكت وبكيت وعصبت ,

كل شي كان حلو فيها , يكفيني فخر أنها عرفتني بأجمل صديقات .

أساتذتي ..

أبو العنين .. مرعبنا بعصبيته بس كان يعجبني لانه فاهمه له .

عبدالمنعم " السوداني .. محاضراته خفيفه ولازم يضحكنا فيها .

د . أشرف .. المنوال والمتوسط الحسابي للحين اتذكر محاضراته .

د . إيمان .. البلانشيطه وخطوط الكنتور ومحاضرة العملي ورسم الخرايط .

د . باسمه .. وهل يخفى القمر الله يسامحها كرهتني فيها وكرهت التصحر والصحراء .

د . الجوهره .. مدري وش اقول فيها فعلا انسانه " دره " مميزه بأخلاقها وتعاملها معنا .

د . هدى ..الفكر الجغرافي .. وينها الزهراء قال تشبهني حرام عليها .

د . فريده .. محضرتها ياحرام رجه ورجتنا معها .

د . نجاح .. لازم تشرحون ومساكين البنات الي سوى البحث عندها .

د . هنادي .. محضرتها حلوة وبحث التخرج جاهز ونجحتنا وقالت من أفضل البحوث .

ووووووووباقي ذكريات بقلبي المدرجات والكلية القديمه والامن والمسرح وحفلتنا اخر سنه ..

ابيها ترجع ..

للحين دفتر محاضراتي عندي وكم كتاب والهدايا باقية والصور لها نصيب ..

احن لها ولجمعتنا انا وصديقاتي ..